Grønlandsakademiet aaqqissuussaavoq suliatigut immikkut piginnaanngorsarsimasoq, online-kkut ilinniartitsinernik pikkorissartitsinernillu, Kalaallit Nunaanni pikkorissartitsinernik, ilinniaqqinnernik ataatsimeersuarnernillu assigiinngitsunik tamanik neqerooruteqartartoq. Grønlandsakademiet tarnikkut perorsaanikkullu suliassaqarfinni immikkut ilisimasaqarfiuvoq, ilaatigullu ulluunerani paaqqinnittarfinnut, atuarfinnut, ulloq unnuarlu paaqqinnittarfinnut meeqqallu angerlarsimaffiinut suliniutissanik – tamatigut nutaanerpaanik ilisimasaqarfiusunik immikkullu piginnaaneqarfiusunik neqerooruteqartarluni.

Tamatuma saniatigut Grønlandsakademiet ilisimasaqarfigalugu aaqqissuusaanernut ilivitsunut, kiisalu isummerfissanut aalajangersimasunut nakkutilliisuusarpoq siunnersorteqartitsisarlunilu. Nakkutilliinitsinni, siunnersuisarnitsinni suleqateqartarnitsinnilu sulisut taamatullu pisortat siunnerfiusarput.

Kalaallit Nunaat tamakkerlugu suliaqarfiusuni ukunani suliatigut ineriartortitsinissamik pisariaqartitsiviusut matussusernissaat anguniagaraarput:

• Immikkut ittumik perorsaanermik suliassaqarfiit
• Isumaginninnermi perorsaanermik suliassaqarfiit
• Tarnip pissusianik suliassaqarfiit

Grønlandsakademiet-imi naleqartitatsinni pingaarnermi ilinniartitsisarnitsinni, pikkorissartitsinitsinni, ilinniartitaanerni siunnersuisarnitsinnilu ilisimasat pissarsiarineqarsinnaasut tunniunnissaat, taakkulu ulluinnarni sulinermi atorneqarsinnaanissaat.